Kryetari i Bashkisë së Korçës me rastin e festës së Kurban Bajramit ka vizituar Myftininë e Korçës nga ku ka uruar të gjithë besimtarët muslimanë për më shumë paqe dhe begati. 

Kryetari i Bashkisë së Korçës, Sotiraq Filo shprehet se ka pritur daljen e qëndrimit zyrtar të Universitetit “Fan Noli” në Korçë për të shprehur qëndrimin e tij lidhur me këtë çështje. "Për Korçën e arsimit, Korçën e së parës shkollë shqipe në Shqipëri, prezenca e një institucioni prestigjioz të arsimit të lartë shqiptar është një vlerë e çmuar", shprehet Filo. Ai shton se respekton plotësisht autonominë e universitetit dhe mendon se çdo vendimmarrje e lidhur me ekzistencën dhe vijueshmërinë e këtij institucioni duhet t’i përfshijë të gjithë aktorët, duke filluar pa dyshim me profesoratin, studentët, për të vazhduar me institucionet dhe banorët e Korçës.

Ambasadori i Ukrainës në Shqipëri Volodymyr Shukrov vizitoi sot Korçën.

Gjatë pritjes zyrtare në bashki u diskutua për mundësitë e bashkëpunimit mes dy vendeve tona kryesisht në fushën e kulturës dhe arsimit duke shpresuar në zgjidhjen sa më të shpejtë të situatës së vështirë që po kalon Ukraina.

Nënshkruam me Drejtorin e Korporatës Shqiptare të Investimeve marrëveshjen e bashkëpunimit midis dy institucioneve tona.

Gjatë këtij takimi u diskutua mundësia e financimit të disa prej projekteve tona më të rëndësishme në fushën e eficencës së energjisë, turizmit dhe bujqësisë.

Kreu i Bashkisë Korçë ka pritur Ambasadoren e Francës në Shqipëri Znj. Elisabeth Barsacq. Gjatë takimit u diskutua për vazhdimin e bashkëpunimit në fushat e ekonomisë, turizmit, arsimit dhe kulturës.

Suksese të gjithë studentëve dhe pedagogëve që sot nisën vitin e ri akademik, veçanërisht atyre që ulen për herë të parë në auditore!

Në vijim të punës dhe vizionit tonë për të rinjtë sfidat tona për të ardhmen në bashkëpunim me universitetin janë akreditimi, identifikimi i programeve mësimore sipas kërkesave të tregut të punës, orientimi i kërkimit shkencor drejt adresimit të problematikave të rajonit, ndërkombëtarizimi i universitetit, si edhe programet e përbashkëta.

Korça po kthehet gjithnjë e më shumë në një lokalitet të preferuar për investitorët dhe sipërmarrësit të cilët duan të hapin kompanitë e tyre këtu. Fabrizio është një sipërmarrës italian i cili do të hapë së shpejti në Korçë një rrobaqepësi me rreth 200 punëtorë.

Konferenca Rajonale për Qytetet Inteligjente dhe të Gjelbra, organizuar nga Dhoma Amerikane e Tregtisë dhe Ambasada e USA në Shqipëri.

Gjatë një takimi virtual me kryetarët e bashkive të Kozanit, Greqisë dhe Bitolës në Maqedoninë e Veriut.