Panairi i Poçerisë

\"\"Qyteti i Korçës është një nga qytet që shquhet për traditën dhe artin e poçerisë. Kjo traditë është kultivuar prej kohësh në qytet dhe është përçuar nëpër gjenerata. Në organizimin e aktiviteteve të ndryshme me karakter artstiko-kulturor, artizanët kanë prezantuar produkte të ndryshme të punimit në baltë, alabastër, allçi, punime guri etj.

Zhvillimi i kësaj tradite është kultivuar sidomos gjatë festimit të Pashkëve kur njerëzit blejnë produkte balte në kujtim të shpirtit dhe për një mbarësi në familje. Aktualisht kjo traditë po merr një shtysë edhe nga prodhimi vendas. Ndaj Bashkia e Korces, prej 3 vjetesh organizon Panairin e Pocerisë ku marrin pjesë të gjithë artizanët e rajonit të Korçës, një pjesë e të cilëve ekspozojnë dhe tregëtojnë produket e traditës në baltë e qeramikë. Përgjatë këtyre ditëve, veçanërisht në orët e mbrëmjes, sheshi i panairit gjallëroi nga qytetarë të Korçës dhe turistë vendas e të huaj. Produktet e shumëllojshme, i krijojnë qytetarit mundësi të shumta zgjedheje sipas shijeve e preferancave të gjithsejcilit. Sipas traditës, të gjithë blejnë një objekt zbukurimi prej balte. Nëpërmjet kësaj feste, synohet stimulimi i artizanatit të poçerisë, një traditë e hershme e qytetit tonë, të cilën Bashkia e qytetit kërkon ta rikthejë, duke i ofruar qytetarit korçar por edhe turistëve produktin e traditës. Panairi qëndron i hapur gjatë gjithë javës.

 
back