Shqip English

Përfundon edicioni i X-të i Simpoziumit Ndërkombëtar të Skulpturave

Përfundon edicioni i X-të i Simpoziumit Ndërkombëtar të Skulpturave

Simpoziumi Ndërkombëtar i Skulpturave, një tjetër sukses në edicionin e tij të X-të.

Faleminderit skulptorëve super të talentuar nga Hungaria, Danimarka, Greqia, Shqipëria dhe Kosova për përkushtimin dhe punët e tyre të mrekullueshme!

Simpoziumi Ndërkombëtar i Skulpturave, edicioni i 10-të

Simpoziumi Ndërkombëtar i Skulpturave, edicioni i 10-të

Parku "Rinia" është kthyer në një destinacion jo vetëm çlodhës por edhe turistik, për numrin e shumtë të skulpturave të instaluara në këtë zonë çdo vit nga artistët e punimit të gurit nga e gjithë bota. Nëse jeni kureshtarë apo të apasionuar, mund të shihni nga afër punën e tyre në fund të parkut "Rinia".

Simpoziumi Ndërkombëtar i Skulpturave, edicioni i 10-të

Simpoziumi Ndërkombëtar i Skulpturave, edicioni i 10-të

Korça mikpret edicionin e 10-të të Simpoziumit Ndërkombëtar të Skulpturave në gur. I uruam mirëseardhjen në bashki 5 skulptorëve nga Hungaria, Danimarka, Greqia, Kosova dhe Shqipëria, të cilët do të lënë veprat e tyre në galerinë e hapur në natyrë, në parkun e qytetit.

read more

Simpoziumi Ndërkombëtar "Skulptura e Parkut"

Qyteti i Korçës ku tradita e veprës së artit gjen mishërimin më të mire të saj, është bërë mikpritëse e daltës së skulptorëve të vendit, rajonit e më gjerë. Përgjatë katër viteve 2008, 2009, 2010, dhe 2011.Bashkia e qytetit të Korçës ka pritur 32 skulptorë në Simpoziumin Ndërkombëtar " Skulptura e Parkut", të cilët i kanë dhuruar qytetit tonë 32 vepra të artit bashkëkohor në gur.
 
Ambjentet e gjelbëruara që nuk mungojnë dhe veçanerisht Parku "Rinia" ku janë përqëndruar më së shumti këto vepra të artit modern, tashmë janë më të vizitueshme nga qytetarët dhe vizitorët e huaj, pasi ato janë tani edhe më të dekoruara, më komode, më të këndshme pë syrin e gjithsecilit. Skulpturat e vendosura në mjedise të ndryshme të këtij parku të gjelbëruar, janë tashmë pasuri e trashëgimisë kulturore të qytetit tonë.　
 
Në datat 6 deri 16 korrik 2011, në qytetin e Korçës u zhvillua edicioni i  katërt ndërkombëtar "Skulptura e Parkut - Korça 2011".　
Artistë të ardhur nga e gjithë bota, me një shtrirje gjeografike mjaft të madhe, Turqia, Rumania, Spanja , Portugalia, Franca dhe Zelanda e Re, përgjatë dy javëve realizuan veprat e tyre në natyrë, tek Parku "Rinia". Projektet e skulptorëve pjesëmarrës u seleksionuan paraprakisht nga një juri ndërkombëtare, në konkursin elektronik të shpallur nga Bashkia e qytetit. Kanë qenë 80 projekte konkurruese prej të cilave u përzgjodhën vetëm 8.　
 
Ashtu si edhe vitin e kaluar, të gjitha veprat e skulptorëve u gdhendën dhe morën formë në natyrë tek Parku "Rina". Këto vepra kryesisht abstrakte, u realizuan në blloqe gurësh të bardhë, me dimensione të paracaktuara nga vetë artistët. Gjeografia e vendit të origjinës dhe të formimit artistik dhe kulturor të skulptorëve, u konkretizua në këto vepra të artit abstraksionist, të cilat përveç bukurisë estetike mbartin një miksim të historisë, simbolikës, misticizmit dhe traditës së popujve.　
 
Tashmë, 8 skulpturat e edicionit të katërt, u janë shtuar skulpturave të vitit të kaluar duke hijeshuar mjediset e parkut më të frekuentuar të qytetit. Bashkia Korçë është në rrugë të drejtë për të realizuar objektivin e saj kryesor, shndërrimin e Parkut "Rinia" në një galeri natyrore të artit modern.
back