Përfundon me sukses edicioni i 17 i Festës së Birrës
Ka përfunduar edicioni i 17-të i Festës së Birrës në Korçë, eventit më të madh veror në Shqipëri.
read more
Pjesëmarrje e jashtëzakonshme në natën e parë të Festës së Birrës
Rreth 10 000 persona morën pjesë në natën e parë të Festës së Birrës në Korçë. Kanë mbetur edhe katër netë elektrizuese me super muzikë dhe këngëtarët më të mirë shqiptarë e të huaj.
Biletat e koncertit mund të blihen online në linkun www.vivere.al dhe në çdo pikë WESTERN UNION kudo në Shqipëri, si edhe në biletarinë e dedikuar në hyrje të festës.
Zhvillohet edicioni i shtatë i Panairit të Librit
Zhvillohet në Korçë edicioni i 7 i Panairit të Librit “Korça 2023”. Në këtë panair lexuesit do të kenë mundësi të zgjedhin titujt dhe autorët e preferuar me kosto më të ulët. 17-21 gusht, ora 10:00-13:00 / 15:00-22:00 tek zona këmbësore.
Festojmë së bashku në Dardhë
Tashmë e kthyer në një traditë, Festa e Dardhës synon të promovojë natyrën e mrekullueshme, vlerat kulturore dhe historike të zonës. Produkte vendase, muzikë dhe aktivitete të tjera do të jenë pjesë e Festës së Dardhës.
16 GUSHT, ora 10:00
Transporti FALAS
Nisja tek Gjimnazi "Themistokli Gërmenji", ora 08:30
Përfundon Mik Festival
Me atmosferën e natës së tretë të MIK Festival u përmbyll ky edicion në zonën e ish vaskave të peshkut në Drenovë, aty ku me mbështetjen e Fondit Shqiptar të Zhvillimit sapo ka filluar ndërhyrja për ndërtimin e zonës më të madhe të koncerteve dhe jetës së natës në Shqipëri si pjesë e projektit madhor POLI i JUGUT. Ky festival solli artistë të ndryshëm ndërkombëtarë të cilët performuan gjatë këtyre netëve.
Festa e Lakrorit në fshatin Polenë
Festa e Lakrorit është kthyer tashmë në një traditë dhe ka për qëllim gjallërimin e jetës turistike, por edhe ruajtjen e traditës së gatimit tradicional korçar, lakrorit në saç.
Jo vetëm shije por edhe argëtim ashtu siç vetëm Korça di ta sjellë!
12 gusht, Polenë.
Transporti ofrohet falas. Nisja tek Gjimnazi “Themistokli Gërmenji”, ora 18:00
Fundjavat festive në Korçë
Gjon Mili, Jazz & Blues Festival" solli në fundjavë në Pazarin e Vjetër të Korçës një mbrëmje fantastike. Ky festival që promovon figurën e Gjon Milit, fotografit korçar me famë botërore vjen për të disatin vit rradhazi në Korçë.
MIK FESTIVAL, eventi artistik më i madh i muzikës internacionale në Shqipëri po afron
MIK FESTIVAL, është eventi artistik më i madh i muzikës internacionale në Shqipëri, i cili vjen në Korçë në edicionin e tij të gjashtë, në datën 28-30 korrik.
Do të jenë 3 netë të bukura të mbushura me tinguj, emocione dhe muzikë të mrekullueshme.
Bëhu mik i Korçës dhe shijo magjinë e këtij eventi!
Fundjava në Korçë nën ritmet e muzikës Jazz&Blues
“Gjon Mili, Jazz&Blues Festival” vjen këtë javë në Korçë. Festivali zhvillohet ditën e shtunë në datën 15 korrik, ora 20:30 tek Pazari i Vjetër.
Korça Moto Festival 2023
Rreth 500 motoristë nga Shqipëria dhe rajoni parakaluan në bulevardet e qytetit, që prej orës 18:00 deri në orën 19:00 duke dhuruar një spektakël të vërtetë me motora.
Festa kulmoi me performancën e RUBIN KASO dhe NIKO DJ tek sheshi para Katedrales, deri në mesnatë.