Ekspozita “Personalitete të qytetit tim”

Është çelur dje tek Muzeu Arkeologjik në Korçë ekspozita “Personalitete të qytetit tim”. 100 personalitete të Korçës, të cilët kanë shkruar histori në fushën e artit janë prezantuar dje në një ekspozitë mjaft të veçantë për të gjithë publikun artdashës. Alma Sulioti krijuesja e ekspozitës rikthehet në qytetin e saj si artiste pas 30 vitesh, duke sjellë në vëmendjen e publikut artistë të kinemasë, teatrit, muzikës dhe baletit, emra të mëdhenj që sot nuk janë më, por me artin e tyre kanë nderuar jo vetëm Korçën por edhe Shqipërinë.