Në kuadër të projektit “365 Ditë Turizëm”, u zhvillua takimi i dytë me nxënës nga shkollat 9-vjeçare dhe gjimnazet e Korçë, ku u diskutua për turizmin dhe mënyrat se si idetë e tyre mund të kthehen në vlera konkrete për qytetin.
Përmes bashkëbisedimit, ata u njohën me disa koncepte bazë si produkti turistik, destinacioni, tregu dhe promovimi, si mjete që i ndihmojnë të mendojnë më praktikisht për idetë që sjellin.
Ky është vetëm fillimi i një procesi që do të vijojë me trajnime dhe mentorime, për t’i ndihmuar të rinjtë të zhvillojnë idetë e tyre dhe të kontribuojnë në një Korçë më kreative dhe gjithëvjetore.