Korça renditet e para në vlerësimin e eventeve me impakt në turizmin shqiptar!
3 çmime të mëdha të akorduara nga Agjencia Kombëtare e Turizmit për tre evente që janë kthyer në krenari dhe identitet për Korçën:
“Eventi më i madh në Shqipëri” – Festa e Birrës
“Eventi artistik më i mirë në Shqipëri” – KokoFest
“Eventi më i mirë i artit digjital në Shqipëri” – “Rilindja Italiane” në GAD
Korça krijoi e para modelin e turizmit të eventeve në Shqipëri, një model që sot është përqafuar nga shumë qytete të vendit. Me vizion, kulturë dhe jetë artistike, Korça vazhdon të mbetet pika e referimit për eventet më të mëdha dhe më të suksesshme në vend.
Në 20-vjetorin e saj, Festa e Birrës vazhdon të mbetet eventi më i madh dhe më i dashur në Shqipëri, duke marrë për herë të dytë një vlerësim kombëtar, pas çmimit “Produkti më i mirë turistik” në vitin 2010.
KokoFest vazhdon të shkëlqejë si një nga festivalet më të rëndësishme artistike mbarëkombëtare, ndërsa GAD – Galeria e parë dhe e vetme e Arteve Digjitale në Shqipëri, po e kthen Korçën në një pikë takimi moderne mes artit dhe teknologjisë, duke tërhequr çdo vit qindra vizitorë.