Gianna Pierdomenico, e njohur nga të gjithë si profesoresha italiane e Shkollës së Gjuhëve të Huaja “Faik Konica”, merr titullin e akorduar nga Këshilli Bashkiak i qytetit “ Emblema e Artë e Qytetit të Korçës” me motivacionin: “Për kontributin e saj në forcimin e marrëdhënieve të bashkëpunimit Shqipëri-Itali, nëpërmjet përcjelljes së vlerave më të mira të gjuhës, kulturës, historisë dhe traditës italiane në qytetin e Korçës”. Dhënia e titullit përkon me mbylljen e mandatit të saj 5-vjeçar. Në një ceremoni të organizuar në Qendrën Kulturore “Vangjush Mio”, krahas miqve e të ftuarve të tjerë, vlerësoi kontributin e saj, Nënkryetari i Bashkisë së Korçës, Sotiraq Filo. Titulli “Emblema e Artë” i dorëzohet nga Kryetari i Këshillit Bashkiak të qytetit, Gjergji Pendavinji.