Një projekt i përbashkët mes Bashkisë Korçë dhe UNICEF, ka mundësuar ngritjen e 3 kënde lojrash për fëmijët, nga të cilat një në qendër të qytetit, tek Bashta e Themistokliut, dhe dy në lagjet periferike, pikërisht në Lulishten “Shën Maria”dhe tjetra në Lagjen 17 të qytetit, tek Radaneci. Kryetari i Bashkisë Niko Peleshi ka përuruar në veçanti sejcilin prej këtyre këndeve, të cilat menjëherë u populluan nga fëmijët e shumtë, prindër e gjyshër, që nuk ngurruan të falenderojnë Kryebashkiakun Peleshi për këto kënde lojrash të munguara në këto lagje të qytetit. Z.Peleshi ka siguruar prindërit, se lulishte të tilla do të ngrihen në të gjitha lagjet e qytetit, por ato duhet të mirëmbahen dhe të mos dëmtohen. Bashkia është duke punuar për qytetin e fëmijëve, me projekte të cilat ndihmojnë për argëtimin dhe socializimin e tyre.