Në takimin me përfaqësuesit e SOCAR Albania u diskutua mbi ecurinë e projektit pilot të gazifikimit të Korçës, i cili do të përdorë CNG (gaz natyror i kompresuar) për furnizimin e disa institucioneve publike dhe kompanive private në qytet.
Ky projekt do të demonstrojë konkretisht avantazhet e përdorimit të gazit natyror, si për ngrohje, ashtu edhe për përdorim industrial, duke sjellë një alternativë më efikase, moderne dhe të qëndrueshme energjie.
Projekti pilot synohet të zbatohet brenda vitit 2026, si një hap i rëndësishëm drejt projektit të madh të gazifikimit të Korçës, i cili po ecën sipas fazave të parashikuara.