Në Voskopojë, në një nga destinacionet më të veçanta dhe turistike të Shqipërisë, u zhvillua mbledhja e parë e Komitetit Rajonal të Turizmit për sezonin veror 2026, ku u bënë bashkë drejtuesit e bashkive të qarkut dhe aktorët kryesorë të turizmit, në një tryezë të përbashkët të drejtuar nga Prefektja e Qarkut Korçë, me pjesëmarrjen e Zv.Ministrit të Punëve të Brendshme, z. Xhemal Qefalia dhe të gjitha institucioneve përgjegjëse për mbarëvajtjen e sezonit.
Në fokus të takimit ishte koordinimi i masave dhe bashkëpunimi mes të gjithë aktorëve, për të garantuar një sezon më të organizuar, më të pastër dhe më të sigurt në të gjitha destinacionet turistike të rajonit, në kushtet e një rritjeje të ndjeshme të vizitorëve vendas dhe të huaj.