U zhvillua një takim koordinues në kuadër të projektit të gazifikimit të qytetit, një investim i rëndësishëm që synon modernizimin e infrastrukturës urbane dhe zhvillimin e qëndrueshëm të territorit.
Gjatë takimit me konsulentët teknikë të projektit u diskutua mbi koordinimin me infrastrukturën ekzistuese, planifikimin urbanistik dhe zhvillimet e parashikuara në qytet, me qëllim realizimin sa më efikas të këtij projekti madhor.
Gazifikimi është një projekt i rëndësishëm për Korçën, që do të sjellë zgjidhje afatgjatë për ngrohjen gjatë stinës së dimrit, si dhe do të krijojë mundësi të reja për bizneset ekzistuese dhe ato të reja që do të zhvillohen në qytet.