Në vijim të bashkëpunimit me Bashkinë Chambéry, delegacioni francez, i përbërë nga ekspertë të parqeve natyrore alpine, agjencive të zhvillimit dhe promovimit turistik, strukturave ekonomike rajonale dhe specialistëve të turizmit malor, zhvilloi një tur në disa prej fshatrave me potencial të lartë turistik në rajonin e Korçës, si pjesë e punës së përbashkët për zhvillimin e turizmit malor dhe rural.
Gjatë vizitave në terren, u analizua nga afër territori, burimet natyrore dhe kulturore, si dhe mundësitë konkrete për ndërtimin e një oferte turistike më të strukturuar dhe gjithëvjetore për Korçën.
Diskutimet u fokusuan në ide konkrete për:
-zhvillimin e produkteve autentike lokale
-fuqizimin e komuniteteve dhe sipërmarrjes lokale
– rritjen e kapaciteteve të Korçës si destinacion turistik konkurrues
Ky proces pune i përbashkët po vijon me intensitet, duke synuar ndërtimin e një modeli të qëndrueshëm turizmi për rajonin e Korçës.