Një nga lagjet më problematike përsa i përket infrastrukturës në qytetin e Korçës, Lagjia 17 apo e njohur ndryshe si zona e Radanecit është cilësuar si prioritare në rradhën e ndërhyrjeve të Bashkisë me investim në kuadër të “Programit të Rigjenerimit të Rrugëve dhe Sipërfaqeve të Gjelbra” në qytetin e Korçës. 250 milion lek investim do të përdoren për shtrimin e 9120 m2 asfalt, 2057 m linear bordura, 6 200 m2 sipërfaqe e gjelbër etj. Përpara fillimit të investimit, në këtë lagje është ndërhyrë për prishjen e gardheve dhe rrethimeve pa leje, ku për tu vlerësuar është bashkëpunimi efektiv i komuntetit në këtë drejtim.