Në kuadrin e shtimit të përpjekjeve për zbutjen e varfërisë në qytetin e Korçës, Bashkia Korçë po implementon projektin: ”Iniciativa Lokale kundër varferisë ekstreme” .Të diel, datë 17 tetor 2010, në Ditën Ndërkommëtare Kundër Urisë, filloi iplementimi i kësaj iniciative të rëndësishme, me firmosjen e një marrëveshje bashkëpunimi mes Bashkisë Korçë dhe Kryqit të Kuq Shqiptar, Dega Korçë.
Bashkia e Korçës do të verë në dispozicion stafin dhe ambjentet e Rajoneve Administrative për të sensibilizuar komunitetin mbi varfërine ekstreme dhe për të lehtesuar grumbullimin e ushqimeve apo veshmbathjeve në ambientet e tyre. Këto ushqime dhe veshmbathje të grumbulluara do t’u shpërndahen më pas familjeve në nevojë në bazë të kritereve të vendosura nga të dy palët.
Kryqi i Kuq Shqiptar si bashkëpimplementues i projektit do të lehtësojë komunikimin, transportin dhe magazinimin e të gjitha objekteve që do të grumbullohen dhe në bashkëpunim të ngushtë me administratoret lokalë.
Bashkia Korçë ju bën thirrje të gjithë qytetarëve korçarë t’i bashkohen kësaj iniciative në ndihmë të familjeve të varfra në qytet dhe të dhurojnë për ta ushqime dhe veshmbathje me qëllim zbutjen e varfërisë ekstreme në qytet.