Në Chambéry të Francës po finalizohen përgatitjet për çeljen e ekspozitës “Ikonat e Shqipërisë”, e cila do të hapet për publikun të shtunën e 13 qershorit 2026. Për herë të parë para publikut francez do të prezantohen mbi 45 ikona të përzgjedhura nga fondi i Muzeut Kombëtar të Artit Mesjetar në Korçë.
Kjo ekspozitë përbën një ngjarje me rëndësi të veçantë kulturore, duke sjellë në vëmendjen ndërkombëtare një nga pasuritë më të çmuara të trashëgimisë sonë kombëtare. Përmes këtij prezantimi dinjitoz të historisë, artit dhe identitetit shqiptar, Korça afirmohet edhe një herë si një qendër e rëndësishme e kulturës dhe trashëgimisë kulturore shqiptare në arenën ndërkombëtare.