Në Voskopojë së bashku me Shefen e Bashkëpunimit në Delegacionin e BE-së në Shqipëri, Ritva Heikkinen, u inaugurua restaurimi i Kishës së Shën Mërisë dhe Manastirit të Shën Prodhromit, pjesë e investimeve për mbrojtjen dhe promovimin e trashëgimisë kulturore.
Këto ndërhyrje, të financuara nga Bashkimi Evropian në bashkëpunim me BERZH, kanë bërë të mundur restaurimin e afreskeve, përmirësimin e kushteve mbrojtëse dhe rikthimin e këtyre objekteve në funksion të komunitetit dhe vizitorëve.
Programi përfshin gjithashtu restaurime edhe në monumente kulture në Vithkuq, investime që forcojnë turizmin kulturor dhe promovojnë vlerat historike të Korçës.