Vijon puna për projektin e gazifikimit të Korçës, përmes takimeve intensive me përfaqësuesit e kompanisë SOCAR.
Pas përfundimit të studimeve të fizibilitetit teknik dhe ekonomik, puna është fokusuar tashmë në përgatitjen e fazës FEED – Front-End Engineering Design, një hap kyç që i paraprin hartimit të projektit të detajuar dhe zbatimit të investimit.
Ky projekt synon të sjellë një infrastrukturë moderne energjetike për qytetin, duke krijuar mundësi të reja zhvillimi dhe përmirësim të shërbimeve për qytetarët dhe bizneset.