U zhvillua në Bashkinë Korçë mbledhja e Komisionit të Mbrojtjes Civile, në kuadër të masave parandaluese dhe rritjes së gatishmërisë për përballimin e emergjencave gjatë sezonit veror, me fokus të veçantë parandalimin e zjarreve.
Së bashku me përfaqësues të institucioneve vendore, Policisë së Shtetit dhe strukturave të emergjencave, u analizuan problematikat e evidentuara gjatë vitit të kaluar dhe u përcaktuan masa konkrete për reagim të shpejtë, koordinim më efikas dhe bashkëpunim ndërinstitucional në çdo situatë emergjente.
Bashkia Korçë mbetet e angazhuar maksimalisht për sigurinë e çdo banori dhe për forcimin e kapaciteteve në menaxhimin e emergjencave civile.