Korça mirëpriti ekspozitën “Udhëtim nëpër Ballkan te Arumunët”, një aktivitet kulturor i organizuar me rastin e 10 Majit – Ditës së Romanitetit Ballkanik, që solli në vëmendje historinë, traditat dhe identitetin e komuniteteve arumune në rajon.
Përmes rreth 100 fotografive të realizuara në Shqipëri, Maqedoninë e Veriut dhe Bullgari, ekspozita ofroi një udhëtim autentik në jetën dhe kulturën e arumunëve, duke vlerësuar pasurinë kulturore dhe traditat që këto komunitete kanë ruajtur ndër breza në Ballkan.