Korça investon te idetë e reja dhe te fuqia e dijes për të ndërtuar të ardhmen.
Mbi 150 nxënës nga 5 gjimnaze dhe institucione arsimore të qytetit:
“Kolegji Platon”
“Kolegji Preka”
“Themistokli Gërmenji”
“Raqi Qirinxhi”
“Shkolla Profesionale Teknike”
prezantuan 30 projekte dhe ide inovative, të zhvilluara përmes bashkëpunimit, mentorimit dhe pasionit për teknologjinë.
Çdo prezantim solli kreativitet, energji dhe zgjidhje konkrete, duke treguar potencialin që kanë të rinjtë e Korçës për të qenë pjesë e zhvillimit dhe transformimit të qytetit.
Në përfundim të këtij rrugëtimi frymëzues, 5 ekipe u kualifikuan për në fazën finale.
Korça do të vijojë të mbështesë iniciativa që nxisin inovacionin, edukimin dhe përfshirjen e të rinjve në ndërtimin e së ardhmes së qytetit.