Në vijim të bashkëpunimit me Bashkinë e Chambéry-së, pritëm në Korçë ekspertë, përfaqësues institucionesh dhe aktorë të turizmit, në një takim të dedikuar zhvillimit të qëndrueshëm të turizmit malor.
Gjatë aktivitetit u zhvilluan prezantime dhe diskutime mbi modelet alpine të zhvillimit, potencialet turistike të rajonit të Korçës, si edhe projektet dhe prioritetet që mund të forcojnë më tej ofertën tonë turistike dhe bashkëpunimin mes komuniteteve.
Përmes këtyre partneriteteve dhe shkëmbimit të përvojave, Korça po ndërton ura të reja bashkëpunimi ndërkombëtar dhe po konsolidon vizionin për një turizëm më cilësor e të qëndrueshëm.