Në qendrën e ngritur për trajtimin e qenve endacakë, po vijohet me hapa të mëtejshëm punën për përmirësimin e kushteve dhe rritjen e kapaciteteve. Projekti parashikon ndërtimin e një ambienti shtesë, me qëllim akomodimin e një numri më të madh kafshësh, si dhe krijimin e një hapësire të jashtme, që u mundëson qenve më shumë lëvizje dhe qëndrim në ambient të hapur.
Ky investim synon përmirësimin e standardeve të trajtimit dhe menaxhimit të qenve endacakë, duke mbështetur një qasje më të kujdesshme ndaj tyre dhe një mjedis më të mirë për komunitetin.