Në Ditën e Tokës, edhe fëmijët e Qytezës u bënë pjesë e kujdesit për mjedisin.
Në oborrin e gjimnazit “Raqi Qirinxhi”, ata mbollën fidane, duke kontribuar në gjelbërimin e hapësirave të shkollës. Ky aktivitet synon të rrisë ndërgjegjësimin për mbrojtjen e natyrës dhe të nxisë kujdesin ndaj hapësirave të përbashkëta.
Përmes nismave të tilla, fëmijët edukohen me përgjegjësi ndaj mjedisit dhe komunitetit, duke dhënë kontribut për një të ardhme më të gjelbër.