Ambasadori i Azerbajxhanit në Shqipëri, Anar Huseynov u takua me Kryetarin e Bashkisë së Korçës, Sotiraq Filo dhe diskutuan nga afër lidhur me projektin e gazifikimit.
Brenda këtij viti do të përfundojë studimi i fisibilitetit nga ana e kompanisë shtetërore të gazit të Azerbajxhanit, SOCAR duke i çelur rrugën fillimit të investimit.
Gazifikimi është një projekt madhor për Korçën, i cili do t’i japë zgjidhje përfundimtare ngrohjes në stinën e dimrit dhe do të jetë një faktor ndikues në zhvillimin e bizneseve.