Dita e mësuesit sot përkon me 136-vjetorin e themelimit të Mësonjëtores së Parë Shqipe, vendit ku lindi arsimi. Me këtë rast në ambientet e Muzeut Kombëtar të Arsimit u çel ekspozita “Mësonjëtoret e para përmes dëshmive të kohës", e cila i dedikohet personaliteteve të shquara të dy shkollave të para kombëtare që u hapën në Korçë, në fundin e shekullit të XIX. Për herë të parë në këtë ekspozitë u prezantuan për publikun objekte personale që u përkasin themeluesve, mësuesve dhe nxënësve të kësaj periudhe.