Sot në qytetin e Korçës u përkujtua armëpushimi i vitit 1918, ose fundi i konfliktit mes popujve të Ballkanit e të Europës. Në këtë ceremoni përkujtimore në nderim të 640 ushtarëve francezë, të cilët dhanë jetën e tyre në emër të lirisë, ishte i pranishëm ambasadori i Francës, z. Bernard Fitoussi, përfaqësues politikë, atashe ushtarakë të fuqive aleate dhe mike, prefekti i Korçës Ardit Konomi, kryetari i Bashkisë Sotiraq Filo, autoritetet civile, ushtarakë dhe përfaqësuesit fetarë të Korçës, të cilët vendosën kurora me lule dhe bënë homazhe në varret e të rënëve.
