REPUBLIKA E SHQIPËRISË
BASHKIA KORÇË
Korçë, më 21/12/2015
LAJMËRIM PUBLIK
‘’Për paisjen me Aktin e Marrjes së Tokës në Pronësi,për përdoruesit faktikë të tokës bujqësore të ish-kooperativave bujqësore’’
Bazuar në ligjii nr.172/2014‘’ Për disa shtesa dhe ndryshime në ligjin nr.9948,datë 07.07.2008‘’Për shqyrtimin e vlefshmërisë ligjore të krijimit të titujve të pronësië mbi tokën bujqësore’’dhe në VKM-në nr.253,datë 06.03.2013, "Për përcaktimin e procedurave të plotësimit të akteve të marrjes së tokës bujqësore në pronësi për familjet bujqësore në fshatra të ish-kooperativave bujqësore",të ndryshuar.
Përdoruesit faktikë të tokës bujqësore të ish-kooperativës bujqësore, të cilët nuk janë pajisur me Aktin e Marrjes së Tokës në Pronësi,paraqesin pranë Njësive Administrative përkatëse, brenda 45 (dyzet e pesë) ditëve (Afati për dorëzimin e dokumentacionit fillon nga data 23.12.2015)
a) kërkesën për t'u pajisur me AMTP, për tokën që përdorin faktikisht, në të cilën përcaktohen numri kadastral i ngastrës ose emërtimi popullor, sipërfaqja e saj dhe kufitarët;
b) planvendosja e secilës ngastër që kanë në përdorim, të përgatitur nga një subjekt i licencuar, sipas kërkesave të sistemit të regjistrimit të pasurive të paluajtshme, ku të pasqyrohen sipërfaqja, kufijtë e saj dhe kufitarët;
c) certifikatën e gjendjes familjare, të lëshuar nga zyra e gjendjes civile, e komunës dhe/ose bashkisë, ku të pasqyrohet numri i frymëve të familjes përfituese ose individit, në favor të të cilit do të lëshohet akti i ri i marrjes së tokës në pronësi, sipas gjendjes më 1 gusht 1991;
ç) dokumentacionin që vërteton se është përfitues si rezultat i lëvizjes nga qendrat e tyre të banimit, me vendime të veçanta të Këshillit të Ministrave.
(Afati për dorëzimin e dokumentacionit fillon nga data 23.12.2015)