Edhe këtë vit nxënësit më të mirë të shkollave 9-vjecare të qytetit të Korçës janë vlerësuar e përgëzuar për rezultatet e tyre të shkëlqyera në mësime. Bashkia Korçë në bashkëpunim me Drejtorinë Arsimore Rajonale kanë organizuar për këta fëmijë një spektakël të vërtetë artistik me rastin e Festave te Fundvitit. Fëmijët e talentauar të Qendrës Kulturore të Fëmijëvë “Mihal Grameno” si edhe balerinët e shkëlqyer të grupit “Let’s Dance” kanë sjellë në sallën e teatrit “A. Z. Çajupi” shpirtin e vërtetë të festave të fundvitit duke transmetuar emocione pa fund. Një urim i veçantë për këta fëmijë të dalluar është përcjellë edhe nga Kryebashkiaku Sotiraq Filo, i cili nëpërmjet kartolinës së tij ka përgëzuar nxënësit për rezultatet e tyre të shkëlqyera në shkollë dhe iu ka uruar suksese të mëtejshme për të arritur rezultate edhe më të mira, duke u bërë kështu shembuj në shoqëri. Pas spektaklit të prëgatitur me këtë rast janë ndarë dhurata për të gjithë nxënësit e dalluar të shkollave.
