Një tjetër iniciativë për shtimin e sipërfaqeve të gjelbëruara në qytet është ndërmarrë sot nga nxënësit dhe mësuesit e shkollës së mesme të gjuhëve të huaja “Faik Konica”, të cilët me ndihmën e Ndërmarrjes të Shërbimeve Publike pranë Bashkisë Korçë kanë mbjellë 30 pemë në hapësirën rreth ambienteve të shkollës, si edhe janë vendosur 4 stola të rinj. Tashmë jo vetëm hapësirat midis blloqeve të banimit por edhe hapësirat rreth shkollave do të shndërrohen në ambiente relaksuese dhe çlodhëse.
