Në kuadër të Ditës Boterore të Familjes ,eshte celur në qytetin e Korçës Qendra Multifunksionale “Artistët e Vegjël” ne ambientet e bibliotekes të fëmijëve “Thoma Turtulli”.
Hapja e kësaj qendre do të sjellë më shumë mundësi për të gjithë fëmijët të cilët nga dita e sotme do të mund të ndjekin kurse të ndryshme artistike pikture, kitare, kërcimi, aktrimi dhe muzike dhe të evidentojne dhe perfeksionojne talentin e tyre.
Kjo qendër do të jetë në dispozicion të tyre ç’do pasdite dhe me perfundimin e vitit shkollor qendra do të jetë në dispozicion gjatë gjithë ditës për të ofruar sa më shumë mundësi studimi dhe argëtimi.
Përveç kurseve artistike në këtë qendër janë në dispozicion te nxenesve edhe dy salla studimi të pajisura me libra të ndryshëm ku ata do të kenë mundësi të lexojnë apo të kryejnë detyra të ndryshme.
Kjo qendër e re për artistët e vegjël të qytetit është një vlerë e shtuar për Korçën dhe një mënyre shumë e mirë për të gjitha familjet të cilat duan tu japin më shumë mundësi fëmijëve të tyre por edhe nje mundesi e mire per prinderit per te shijuar pak me teper kohe te lire gjate pasditeve.
Në këtë aktivitet ishte i pranishëm edhe Kryebashkiaku Sotiraq Filo i cili përgëzoi çeljen e kësaj qendre dhe uroi të gjithë fëmijët që do të ndjekin kurse të ndryshme në këto ambiente.
Çelja e kësaj qendre multifunksionale “Artistët e Vegjël” është mbështetur financiarisht nga Raiffeisen Bank, bankë e cila prej vitesh ka mbështetur edhe projektin “Artistët e vegjël”.