Në kuadër të festimeve të fundvitit, kryebashkiaku Niko Peleshi ka pritur në ambjentet e bashkisë, të shoqëruar nga prindërit e tyre, fëmijë të cilët vuajnë nga sëmundja e autizmit.
“Në këto ditë të bukura festash të gjithë duhet të ndjehemi të barabartë aq më tepër fëmijët të cilët janë e ardhmja e shoqërisë”, është shprehur kryebashkiaku.
Rreth 20 fëmijë kanë festuar me babagjyshin e Vitit të Ri nën shoqërinë e këngëve të bukura festive.
Në fund të këtij takimi krybashkiaku ka shpërndarë dhurata për vogëlushët duke iu uruar atyre gëzuar festat.
E pranishme në këtë festë ka qënë edhe kryetarja e Shoqatës së Fëmijëve Autistëë e cila ka falenderuar bashkinë për mbështetjen që iu jep fëmijeve që vuajnë nga kjo sëmundje.
Pavarësisht problemeve të shumta që mund të kenë këta fëmijë dhe prindërit e tyre, atmosfera të tilla festive japin gjithmonë një emocion të veçantë tek ta.
Gjatë vitit të ardhshëm bashkia do të përpiqet të sigurojë një ambjent të përshtatshëm ku prindërit e fëmijëve autistë të takohen për të diskutuar dhe shkëmbyer eksperiencat e tyre në trajtimin e fëmijëvë autistë.