Fillon faza e dyte e punimeve për transformimin bashkëkohor të njërës prej shëtitoreve më të frekuentuara të qytetit të Korçës
Pas përfundimit të shtrimit të dy trotuarëve anësore të Shëtitores “Fan S.Noli”, një prej akseve më të frekuentuara nga qytetarët e Korçës, ka filluar faza e dytë e punimeve. Puna në këtë fazë do të përqëndrohet në shtrimin e trotuarit të mësit dhe vendosjen e sistemit të ri modern të ndriçimit, ndërhyrje kjo që do të transformojë tërësisht infrastrukturën e kësaj pjese të qytetit të Korçës.
Në 800 metra gjatësi të këtij trotuari do të shtrohen me 3000 m2 beton të stampuar si edhe do të vendoset një sistem modern ndriçimi me ndriçues tokësorë dhe ajrorë.
Rikonstruksioni i kësaj shëtitoreje do të bëjë të mundur disiplinimin e levizjes së këmbësoreve e cila tani ka qënë problematike në drejtim të rrathëve të qendrave të bulevardeve, si edhe do të lehtësojë lëvizjen e personave me aftësi të kufizuar me ndërtimin e ramapave në trotuarët e kësaj shëtitoreje.
Ky investim i rëndësishëm kap vlerën e 270 milon lekëve, 120 milion prej të cilave do të përdoren vetëm në fazën e dytë. Ky fond u mundësua nga të ardhurat e Bashkisë Korçë dhe nga një pjesë e huasë që bashkia ka marrë për përmirësimin e infrastrukturës në qytet.