Bashkia Korçë ka çelur sezonin festiv dimëror në qytet me çeremonialin tashmë tradicional të ndezjes së ndricimit në rrugët kryesore në qëndër dhe periferi të qytetit.
Për të katërtin vit me rradhë qyteti i Korçës ofron për qytetarët e tij dhe vizitorët e shumtë në këtë periudhë, jo vetëm një pamje të bukur por edhe një kalendar të pasur aktivitetesh deri në fund të vitit.
Koncerti festiv me emra të njohur të muzikës shqiptare që shoqëroi ceremoninë e ndezjes së dekorit festiv u pasua nga aktivitete të tjera të gëzuara si spektakli “Miss Korça 2010”, koncerte vokale dhe instrumentale te Qëndrës Kulturore “Vangjush Mio”, Teater me Kukulla për fëmijë, ekspozita fotografie dhe pikture etj.
Festat e fundvitit në Korçë, kulmojnë me Paradën e 100 Babagjyshëve e cila ndiqet nga qindra fëmijë dhe prindër në qytetin e Korçës duke i dhënë qytetit një atmosfere të veçantë festive në prag të ndërrimit të viteve.