Mbi 200 nxënës të dalluar nga shkollat 9-vjeçare të qytetit të Korçës kanë marrë dhurata nga bashkia e qytetit në shenjë vlerësimi për rezultatet e tyre.
Ceremonia e veçantë e organizuar me këtë rast ka përcjellë veç urimeve dhe gëzimit edhe dëshirat e fëmijëve për një qytet më të mirë për ta. Kryebashkiaku Niko Peleshi i pranishëm në festën e fëmijëve, ka theksuar se bashkia që ai drejton është duke punuar për ta bërë Korçën një qytet miqësor me fëmijët duke krijuar mundësi për argëtimin dhe shkollimin sa më të mirë të tyre.
Në bashkëpunim me Drejtorinë Arsimore Rajonale dhuratat janë shpërndarë për nxënësit me rezultatet më të mira nga shkollat e qytetit.