Bashkia Korçë i ka akorduar titullin “Qytetar Nderi” mjeshtrit korçar të gdhendjes së gurit Kristaq Papargjiri. I apasionuar pas skulpturës dhe gdhëndjes së gurit mjeshtëri korçar, ka lënë gjurmë në shumë godina, lulishte dhe shatërvanë në qytetin e Korçës. Punët e tij në gur janë një vlerë tjetër identifikuese e qytetit të kulturës. Për të evidentuar dhe thelluar këtë vlerë të qytetit, tashmë prej tre vitesh, bashkia organizon Simpoziumin Ndërkombëtar Skulptura e Parkut, ku skulptorë nga e gjithë bota i shtojnë çdo vit qytetit të Korçës nga tetë skulptura të artit modern në gur.