Bashkia Korçë me mbështetjen e Fondacionit “Kenedi” ka hapur Qendrën e tretë për të moshuarit në qytetin e Korçës. Kjo qendër ndodhet tek ish Shtëpia e Oficerëve dhe ashtu si dy qendrat e tjera të hapura para saj, do të ofrojë mundësi për të kaluar kohën së bashku të moshuarit e qytetit të Korçës. Në ceremoninë e çeljes së kësaj qëndre kryebashkiaku Niko Peleshi theksoi se vëmendja ndaj moshës së tretë është një prioritet i punës së Bashkisë Korçë. Aktualisht të tre qëndrat për të moshuar të ndodhura në pjesë të ndryshme të qytetit, frekuentohen nga një numur ii madh të moshuarish. Në këto qendra atyre ju ofrohet kujdes mjekësor falas, kafe, çaj, argëtim, shtypi i ditës etj. Bashkia do të kujdeset për celjen e qendrave të reja në pjesë të tjera të qytetit të Korçës.