Inspektoriati Urbanistik Kombëtar, ka pezulluar punimet për rikonstruksionin e segmentit të fundit të Bulevard “Republikës”, që shtrihet nga sheshi para kinemasë deri tek godina e Albtelekomit.
Ndërhyrja e Inspektoriatit Urbanistik Kombëtar në pezullimin e këtyre punimeve konsiderohet e paligjshme nga Bashkia Korçë, e cila nga ana e saj ju bën thirrje institucioneve qëndrore të bashkëpunojnë në mënyrë konstruktive dhe të japin kontributin e tyre për përmirësimin e infrastrukturës rrugore në qytet.