40 MILION LEK VETËM PËR LAGJEN 15
Bashkia e Koçës, me mbështetjen e Programit e USAID-it për Qeverisjen Vendore në Shqipëri (LGPA) inauguruan fillimin e punimeve të një nga projekteve të infrastrukturës financuar me fonde të marra kredi nga ana e Bashkisë. Kryetari i Bashkisë Niko Peleshi dhe Drejtori i Misionit të USAID-it Joseph Ëilliams ishin prezent për fillimin e punimeve në Lagjen 15 te qytetit. Vlera e investimit në këtë lagjë kap shifrën 400 milion lek me të cilat do të shtrohen 13 610 m2 asfalt, 2 069 m linear bordura
dhe 2240 m2 sipërfaqe e gjelbër. Veç ndërhyrjes në Lagjen 15 huaja do të financojë rregullimin e sheshit kryesor të qytetit, përmirësime të infrastrukturës në Bulevardin “Republika”, rigjenerimin e Shëtitores “Fan Noli”, etj. Përmirësimet në infrastrukturë do të sjellin përmirësimin e qarkullimit, shtimin e sigurisë, si dhe rritje të aktivitetit të biznesit në këto zona. Në 31 mars 2010, Korça firmosi një marrëveshje kredie me Bankën Procredit për shumën prej 100 milionë Lekësh. Në gusht u realizua disbursimi i parë i kredisë prej 45 milionë lekësh dhe pjesa tjetër do të disbursohet në fillim të vitit 2011. I gjithë financimi nga huaja do të përdoret për përmirësimin e rrugëve dhe hapësirave të tjera publike në qytet.