Bashkia ka filuar ndërhyrjen në një pjesë të konsiderueshme të Lagjes 10 të qytetit nga Shkolla “Raqi Qirinxhi” e në vazhdim, deri në konturimin e kësaj lagjeje me unazën e qytetit. Prej mëse 30 vitesh, kjo pjesë e qytetit nuk ka njohur asnjë ndërhyrje në infrastrukturë, prandaj dhe ky investim i Bashkisë Korçë është mirëpritur nga banorët e shumtë që e popullojnë këtë pjesë të qytetit. Janë parashikuar të shtrohen 5400 m2 asfalt, 6700 m2 sipërfaqe e gjelbër, 815m linear bordura si edhe përmirësim i sistemit të ndriçimit.