Fillon zbatimin Programi i rigjenerimit të rrugeve dhe sipërfaqeve të gjelbra të qytetit
Bashkia e Korçës ka filluar të zbatojë një program ambicioz që përfshin ndërhyrje të mëdha konkrete për përmirësimin e infrastrukturës rrugore dhe siperfaqeve të gjelbra në pjesën më të madhe të qytetit. Kjo ndërhyrje ka filluar pas përfundimit të shtrimit të rrjetit të kanalizimeve në lagje të ndryshme të qytetit. Pas një kohe të gjatë pritje për shkak të zbatimit të dy projekteve të mëdha infrastrukturore, ujësjellësit dhe kanalizimeve qytetarët e Korçës kanë filluar të prekin rezultatet e para të një pune të madhe që po bën bashkia në kuadër të këtij programi i cili synon ndër të tjera kthimin re Korçës në qytetin me infrastrukturën model në Shqipëri. Aktualisht po punohet për rivitalizimin e Shëtitores “F.S.Noli”, asfaltimin dhe sistemimin e Lagjeve 15, 16, 17, asfaltimin dhe sistemimin e pjesës të papërfunduar të Lagjes 10, sistemin e kanalizimeve dhe kalldrëmet e e Lagjeve 1,2,3 si edhe shtrimin me kalldrëm të Lagjeve 11, 12. Më pas puna është planifikuar të vazhdoje në Lagjen 4, tek “Shën Meria” dhe Pazarin e qytetit.
Me zbatimin e të gjitha projekteve dhe investimeve të parashikuara në Programin e rigjenerimit, sipërfaqet e gjelbra në qytetin e Korçës do të shtohen me 1 m2 për banor. Qytetarët e Korcës duhet të kontribuojnë së bashku me ne për mirëmbajtjen sistemetike të tyre.