Pas përfundimit me sukses të dy edicioneve të Simpoziumi Ndërkombëtar të Skulpturës së Parkut 2008-2009, Bashkia e qytetit mirëpret edhe këtë vit skulptorët e rinj, të cilët me punimet e tyre do t’i shtojnë qytetit veprat e tyre ne gur. Në këtë mënyrë, 16 skulpturave të artit modern që zbukurojnë Parkun “Rinia” të qytetit do t’ i shtohen edhe 8 skulptura të reja të Edicionit të Tretë “Simpoziumi Ndërkombëtar Skulptura e Parkut 2010”.
Skulptorët të ardhur nga vende të ndryshme të botës, Bullgaria, Gjermania, Spanja, Italia, Siria, Bolivia dhe Shqipëria, kanë filluar tashmë t’u japin formë skulpturave të tyre në natyrë, në parkun më të bukur të qyteitit. Do të jetë pikërisht Parku “Rinia”, i cili do të pasurohet më tej me këto skulptura duke u bërë edhe më i bukur, edhe më i vizitueshëm edhe më i larmishëm me skulpturat e artit abstraksionist.
Veprat janë duke u realizuar në blloqe guri të bardhë, dimensionet janë përzgjedhur nga vetë artistët, ashtu siç është përcaktuar nga vetë ata.
Sipas projekteve të paraqitura pranë Qendrës Kulturore “Vangjush Mio”, këtë vit, do të realizohen vepra të tilla si…