Nxënësja e klasës së katërt nga Shkolla 9-vjeçare “Sotir Gurra”, Romina Qemali, është aplikantja më e vogël që plotëson formularin “Jepi Zgjidhje”. Pas vizitës në Bashkinë e qytetit së bashku me bashkëmoshatarët e klasës së saj, dhe njohjes me nismën më të re “Jepi Zgjidhje”të Kryetarit të Bashkisë së Korçës, Niko Peleshi, vajza vendosi t’i bashkohet kësaj nisme, e cila u jep zgjidhje brenda 1 jave të gjitha shqetësimeve të qytetarëve në ambjentet publike, duke synuar përmirësimin e jetës komunitare. Vajza e vogël ka kërkuar kthimin e lulishtes së zënë nga një ndërtim pa lejë, në dispozicion të banorëve të bllokut ku ajo jeton.