Çelet fondi prej 15 milion Euro për kanalizimin e ujrave të zeza dhe shtrimin me kalldrëm në Lagjet 1,2,3 si dhe në zonat pranë Stadiumit të qytetit e Varrezave Publike, e cila shënon fazën e katërt të implementimit të këtij projekti madhor për infrastrukturën e qytetit të Korçës.Puna ka filluar për shtrimin me kalldrëm të lagjeve 11 dhe 12.
Ambasadori gjerman Borchardt, i pranishëm në fillimin e fazës së katërt të këtij projekti madhor vlerësoi ecurinë e projekteve me mbështetjen gjermane në Korçë duke rikonfirmuar atë vlerësim që ka bërë për qytetin tonë gjatë vizitave të mëparshme se “Korça është kryeqyteti i investimeve”. Kjo fazë përfshin edhe ndërtimin e impjantit të ujrave të përdorura në Korçë. Në këtë mënyrë Korça do të bëhet qyteti i parë në Shqipëri që do të përpunojë ujrat e përdorura si vendet europiane me një impiant modern.Të pranishëm në këtë inagurim, kanë qenë përfaqësuesit më të lartë të qeverisë, Ministri i Punëve Publike, Transportit dhe telekomunikacionit, Sokol Olldashi si dhe Ministri i Financave Ridvan Bode, të cilët kanë përgëzuar pushtetin lokal për bashkëpunimin. Ndërkohë vlerësime mjaft pozitive shprehu edhe përfaqësuesi i KFW gjermane që është edhe financuesi më i madh i këtij projekti në Korçë. Ai theksoi se çelsi i suksesit të projekteve në Korçë, me një histori prej 10 vjetësh tashmë, është bashkëpunimi i qytetarëve dhe vizioni i strukturave drejtuese. Njëkohësisht ai vlerësoi se “Korça është një histori suksesi për zbatimin e projekteve gjermane në Shqipëri”.