Takimi me bizneset e periferisë së qytetit pasoi takimin e bërë para disa javësh me bizneset e qendrës, me synimin e vetëm forcimin e bashkëpunimit me biznesin, duke iu përgjigjur interesave të tyre, por edhe për një shërbim sa më të mirë ndaj qytetarëve.
Ashtu si edhe bizneset e qendrës, edhe ato që e ushtrojnë aktivitetin e tyre në përiferi të qytetit u shprehën “Pro” ditës së pushimit javor, si dhe u diskutua gjatë për shtrirjen e orarit të funksionimit të tyre edhe gjatë pasdites. Për Kryetarin e Bashkisë Niko Peleshi, ndryshimi i rritmeve të punës së biznesit, reflekton drejtpërdrejt në rritmin e qytetit, duke e bërë qytetin më të gjallë, duke ndryshuar stilin e jetesës në qytetin tonë.
Nisma e Bashkisë “Denonco informalitetin”, u bë prezent edhe për këto subjekte, ku Bashkia e Korçës kërkoi koordinimin e përpjekjeve me biznesin në luftën ndaj informalitetit dhe konkurrencës së pandershme. Nëpërmjet numrit të telefonit 251 844, Bashkia e Korçës fton çdo qytetar të denoncojë çdo rast të konstatuar, i cili do të monitorohet online ne faqen zyrtare të Bashkisë www.bashkiakorce.gov.al