Në prag të Shën Valentinit, ditës së të dashuruarve, trupa e Teatrit “Andon Z.Çajupi” të Korçës ka vënë në skenë premierën e komedisë “Kurrë mos u dëshpëro” me regji të Guri Koços. “Çfarëdo që të ndodhë, kurrë mos u dëshpëro” dhe “ Jeta është e vyer, jetoje atë”, janë dy nga mesazhet e shumta të përcjella për publikun në sallë.
Në skenë kanë interpretuar aktorët e njohur të qytetit tonë: Arben Dervishi, Zamira Kita, Albano Prodani, Petrika Riza, Marko Bitraku e Andrea Pepi, si dhe aktorja e re Xheni Hallulli. Shfaqja do te jepet edhe për dy ditët në vazhdim, për t’u rikthyer sërish për spektatorin në fundjavën e ardhshme.