Kryetari i Bashkisë së Korçës Niko Peleshi ka inspektuar punimet që po kryen për rikonstruksionin e Bul. “Republika” në qytetin e Korçës.
Jemi në fazën kur kanë mbaruar gërmimet në një pjesë të mirë të gjaësisë së kësaj rruge dhe është përgatitur shtrati i rrugës më shtresën e çakullit për t’u hedhur shtresa e betonit nga ku më pas do të vendosen pllakat e kuarcit.
Z. Peleshi shprehet i kënaqur nga ecuria e punumeve pavarësisht nga varësia nga Ndërmarrja e Ujësjellës Kanalizimeve, e cila po punon për hapjen e pusetave në këtë bulevard.
Shumë shpejt do të fillojë edhe gërmimi në pjesën e mbetur të këtij aksi, duke iu ardhur në ndihmë kështu mosbllokimit të qarkullimit si të kalimtarëve edhe të automjeteve.
Në prononcimin për mediat, Kryebashkiaku Peleshi falenderoi njëkohësisht edhe qytetarët për mirëkuptimin dhe besimin për këtë investim, i cili pavarësisht vështirësive të momentit, do të jetë mjaft fitimprurës për bizneset që e shtrijnë aktivitetin e tyre përgjatë kësaj shëtitoreje.