Programi “Sporti për të gjithë” ka si synimpërmirësimin e nivelit të sporteve të ndryshme, nëpërmjet organizimit
të aktiviteteve të ndryshme, kampionateve dhe lojërave rinore, në
natyrë dhe mjedise të mbyllura. Gjithashtu ai synon promovimin e
sporteve të reja dhe futjen e kulturës sportive tek grupmoshat e reja,
si një element i domosdoshëm për një fizik
dhe jetë të shëndetshme.
Ky program konsiston në implementimin e disa projekteve:
Projekti “Zhvillimi vjetor i veprimtarive sportive”
– është një projekt madhor dhe hartohet mbi bazën e një kalendari
vjetor të zhvillimit të veprimtarive sportive që sintetizohet në:
* veprimtari sportive me nxënës të shkollave të qytetit të Korçës
* lodra karnavale
* vrapim në natyrë
* kampionat minifutbolli
* kampionat basketbolli
* Atletikë; kupa “Kristo Isak” dhe “Kiço Nuke”
* Rrëshqitje me ski dhe slita, patina me rrota
* Kampionat ping-pongu
* Kampionati individual i badmintonit
* Lojëra lëvizore (me pjesëmarrje dhe të fëmijëve me aftësi të kufizuar)
* Çiklokrosi
Projekti “Lojërat rinore 2008”
– ky projekt do të implementohet në rang qarku dhe ka si qëllim
finalizimin e të gjitha ndeshjeve sportive të organizuara në shkollat
9-vjeçare të qytetit, nëpërmjet organizimit të një aktiviteti me
performancë madhështore me pjesëmarrjen e të gjithë nxënësve
konkurrentë dhe dhënien e stimujve dhe çmimeve për fituesit dhe
trajnerët më të mirë.
Projekti “Kampionati Ballkanik i volejbollit për të rinj”
– ky projekt ka si synim organizimin e një kampionati të sportit të
volejbollit me pjesëmarrjen e skuadrave nga vende të Ballkanit si një
formë e re e shkëmbimit të eksperiencave dhe bashkëpunimeve
Cross-border. Implementimi i këtij projekti është i një rëndësie të
veçantë për qytetin e Korçës, pasi ai ka nxjerrë në vite sportistë që
kanë emrin e tyre në zhvillimin e këtij sporti në vend dhe më tej, si
Tamara Nikolla etj.