Mandati i këshilltarit

   1. Mandati i jepet  këshilltarit me vendim të këshillit.

   2. Dhënia dhe heqja e mandatit bëhet me shumicën e votave të numrit të përgjithshëm të anëtarëve të këshillit.

   3. Këshilltari nuk voton për mandatin e tij.

   4. Mandati i këshilltarit mbaron përpara afatit, me propozimin e komisionit të mandateve kur:

    * ndryshon vendbanimin;

    * jep dorëheqjen;

    * krijohen kushte të papajtueshmërisë, të përcaktuara në nenin 25 të këtij ligji;

    * mandati nga ana e tij është marrë në mënyrë të parregullt;

    * humbet zotësinë juridike për të vepruar me vendim gjykate;

    * vdes;

    * nuk merr pjesë në mbledhjet e këshillit për një periudhë 6-mujore;

    * dënohet për kryerjen e një vepre penale me vendim gjykate të formës së prerë;

    * këshilli shpërndahet nga organi kompetent.