Bulevard “Shën Gjergji”u kthye për disa orë në hapësirën e pastër të
lëvizjes të kalimtarëve dhe biçikletave.
Në ditën ndërkombëtare pa makina Zyra e Mjedisit
pranë Bashkisë Korçë zgjodhi disa forma interesante për të përcjellë
mesazhin e ndërgjegjësimit të të rinjve dhe komunitetit në përgjithësi
në lidhje me rëndësinë jetike të një ajri të pastër.
Në bashkëpunim dhe me partnerë të tjerë si
DAR,Qëndrën Kulturore të Fëmijëve, ISHP dhe me mbështetjen financiare
të firmës të pastrimit “Korsel” në bulevardin pa automjete nxënësit e
shkollave të ndryshme të qytetit të Korçës lëvizën me biçikleta dhe
patina, ndërkohë që në trotuarin përgjatë bulevardit u çel një
ekspozitë me piktura me këtë temë si dhe u dha një koncert nga nxënësit
e Shkollës së Muzikës dhe Banda e qytetit.
Sensibilizimi i komunitetit për reduktimin e
përdorimit të makinave si edhe ndërtimi i një zone këmbësore, që është
një ndër prioritetet e investimeve të Bashkisë Korçë në infrastrukturë
pritet të sjellë efekte pozitive në drejtim të reduktimit të ndotjes së
mjedisit në qytetin e Korçës.